Испания эвтаназияны заңдастырды. Ерікті эвтаназия енді әлемнің 6 елінде заңды

Испания парламентінің төменгі палатасы центристік және солшыл партиялардың қолдауымен заң жобасын мақұлдады.

Ол Еуропадағы белгілі бір жағдайларда өзіне-өзі қол жұмсауға мүмкіндік беретін төртінші ел болды. Заң "төзгісіз азапты" тудыратын "ауыр және емделмейтін" аурулары бар ересектерге өмірін тоқтату туралы шешім қабылдауға мүмкіндік береді. Заң маусым айында күшіне енеді деп күтілуде.

Осыған дейін Испания өмірден өз еркімен тоқтатуға көмектескендерді 10 жылға дейін бас бостандығынан айыруы мүмкін еді.

"Бүгін біз адамгершілігі мол, әділетті және азат елге айналдық", – деді Испания премьер-министрі Педро Санчес өзінің дауыс беруінен бірнеше минут өткен соң твиттерде.

Эвтаназияны қолдаушылар заңның қабылдануын құптап, консервативті және діни топтар қарсы келіп, айыптаған.

Бүгінде эвтаназия тек Бельгия, Люксембург, Нидерланды, Канада және Колумбияда заңды.

Айта кетейік, Португалия парламенті де осыған ұқсас заң қабылдағысы келген, бірақ осы аптада елдің жоғарғы соты оны конституцияға қайшы деп шешкен.

Эвтаназия – емделмейтін дерті бар адамның өмірін оның өтініші бойынша тоқтату. Бұл рәсім Нидерландыда, Люксембургта, Бельгияда, Швейцария мен Американың кей штатында рұқсат етілген. Қазақстанда айықпас ауруға шалдыққандарға эвтаназия қолданылмайды. 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары