"Хабар" телеарнасы Тоқаев туралы деректі фильм ұсынады

"Хабар" Агенттігі Қазақстан Президенті Қасым-Жомарт Кемелұлы Тоқаев туралы "Преодоление" атты екі бөлімнен тұратын деректі фильм ұсынады. Фильмде Тәуелсіз Қазақстанның екінші Президентінің жеке тұлға болып қалыптасу тарихы баяндалады және оның саяси жолы көрсетіледі.

"Бірінші бөлім Мемлекет басшысының өмірбаянындағы қызықты фактілерге арналған. Екінші бөлімде көрермен саяси қызметтің тиімділігін бағалап, Қасым-Жомарт Тоқаевтың әлемдік аренадағы еңбегі мен беделі туралы біле алады", – делінген агенттік таратқан хабарламада.

---

Оқи отырыңыз: Билік басындағы бір жыл. Президент Тоқаев қабылдаған маңызды шешімдер

---

Фильмнің бірінші бөлімі 11 маусымда 21:30-да, екінші бөлімі 12 маусым күні сағат 22.00-де "Хабар" арнасынан көрсетіледі. Ал 13-маусым жексенбі күні сағат 22.00 мен 22.40-та екі бөлімнің де қайталауы көрермен назарына ұсынылады.