Мектеп оқушылары оқу формасы мен оқу ұзақтығы туралы не білуі тиіс?

ҚР Білім және ғылым министрінің бұйрығымен 2021-2022 оқу жылының басталуы, ұзақтығы және каникул кезеңдері бекітілді.

Оқу жылы 1 қыркүйекте басталады. Ұзақтығы:

• 1 сыныптарда – 33 оқу аптасы;
• 2-11 (12)-сыныптарда – 34 оқу аптасы.

Оқу жылы ішіндегі каникул кезеңдері:

• күзгі – 7 күн (2021 жылғы 1-7 қараша аралығында);
• қысқы – 11 күн (2021 жылғы 30 желтоқсан мен 2022 жылғы 9 қаңтар аралығында);
• көктемгі – 12 күн (2022 жылғы 19-30 наурыз аралығында);
• 1-сыныптарда: қосымша каникул – 7 күн (2022 жылғы 7-13 ақпан аралығында).

Сондай-ақ, БҒМ баспасөз қызметшісі Мөлдір Абдуалиева мектеп формасына қатысты қатаң талаптар болмайтынын ескертті. Шалбар мен юбка қара көк, қара жасыл, қара болуы керек – ата-ана мен мектеп оқушысының қалауына қарай. 

"Елдегі санитарлық-эпидемиологиялық және әлеуметтік-экономикалық жағдайды ескере отырып келер оқу жылында классикалық стильдегі ыңғайлы киім киюіне болады. Классикалық стильдегі киімнің түсі мен пішімі, матасы ұстамды және қатаңдау болғаны жөн. Сондай-ақ, киімнің үстіңгі бөлігін ашық түсті, ал төменгі бөлігін қаралау етіп таңдаған дұрыс", – деді Мөлдір Абдуалиева.  

Үкіметаралық келісім шеңберінде қазақстандықтар тегін білім алатын елдер саны онға жетті. Тізімге Словакия, Әзірбайжан және Вьетнам елдері қосылды.