Астанада Рим Папасының мессасы қалай өтіп жатыр? Фоторепортаж

Рим Папасы Франциск. Фото: Informburo.kz
Рим Папасы Франциск. Фото: Informburo.kz

Мыңдаған адам Рим Папасы Франциск өткізетін қасиетті мессаға келді.

Рим Папасы Франциск Әлемдік және дәстүрлі діндер лидерлерінің VII съезінің аясында елдің католиктері мен шетелден келген көптеген қажыларға арнап, қасиетті мессасын өткізіп жатыр.

Рәсім барысында діни әндер айтылып, дұғалар оқылады. Католиктердің сенімі бойынша, мессаның орындалу сәті – Құдайдан тілек тілеу үшін ең қолайды сәт.

Фото: informburo.kz

Шара басталмас бұрын Рим Папасы папамобильмен келіп, рәсімге жиналған көпшілікті айналып, амандасып шықты.

Рим Папасы Франциск. Фото: infprmburo.kz

Діни рәсім ЭКСПО халықаралық көрмесінің алаңында өтіп жатыр. Алдын ала сатылған 10 мың тегін билеттің барлығы өтіп кеткен. Алдын ала болжам бойынша, алаңға билет алғандардың 95 пайызы жиналған.

Фото: informburo.kz

Мессаға қатысу үшін шетелден келген қонақтар да бар.

Фото: informburo.kz
Мессаға жиналып жатқан халық. Фото: informburo.kz

Бүгінгі таңда Қазақстандағы католиктер азшылық бола отырып, негізінен мұсылман және православие христиан қоғамында 1,3 пайызды құрайды, бірақ олардың аздығына қарамастан, олар көптеген этникалық және мәдени
топтардан шыққан. 

Фото: informburo.kz

"Рим папасының сапарына деген жаппай қызығушылық ерекше болып көрінуі мүмкін, өйткені Қазақстан католик елі ретінде танымал емес. Алайда бұл оқиға Қазақстанның Шығыс пен Батысты байланыстырып, діндер арасындағы диалог пен ынтымақтастықты дамытудағы маңызды рөлін көрсетеді", – деп жазған еді бұл туралы Нұр-Сұлтандағы Әулие Мария Архиепархиясының митрополиті, архиепископ Томаш Бернард Пета "Астана Таймс" басылымында.

Фото: informburo.kz

Томаш Бернард Петаның жазуынша, осыдан 20-30 жыл бұрын Қазақстанда католиктер негізінен немістер, поляктар, белорустар, украиндар және литвалықтар, яғни дәстүрлі түрде католик шіркеуіне жататын ұлттар деген идея пайда болған. Бүгінгі таңда Қазақстанда католик шіркеуінде ондаған ұлт өкілдері бар.

Фото: informburo.kz

Жалпы бұл Рим Папасының Қазақстанға екінші рет келуі. Еске салайық, 2001 жылы елордадағы Отан Ана алаңында Рим-Католик шіркеуінің сол кездегі басшысы Рим папасы Иоанн Павел II месса өткізген еді. Оған шамамен 40 мың адам қатысқан. 

Фото: informburo.kz

Серіктестер жаңалықтары