Димаш Құдайбергеннің орындауындағы "Аманат" әні желіде жарияланды

Фото dimashnews.com сайтынан алынды
Фото dimashnews.com сайтынан алынды

"Аманат" – Батырхан Шүкеновтің альбомына енген туынды.

Димаш Құдайберген YouTube арнасында "Аманат" атты композиция видеосын жариялады. Әнші бұл әнді 2020 жылы 16 қаңтарда өткен Dimash Digital Show атты алғашқы онлайн концертінде орындаған.

Димаштың Еуразиялық фанклубы концертте 19 композиция орындалғанын хабарлады. "Olimpico", "Give me your love", "S.O.S", "War and Peace", "Любовь уставших лебедей", "Махаббат бер маған", "Қарағым-ай", "Қайран Елім", "Screaming" секілді бұрыннан орындап жүрген әндерінен бөлек Димаш концертте "Өмір өтер", "Киелі мекен", "Be with me" секілді жаңа әндерді шырқады. Онлайн форматта өткен концертті әншінің 100-ден астам елде тұратын жанкүйерлері тамашалады.

"Аманат" әнін ең алғаш Батырхан Шүкенов орындаған. Бұл композиция музыкант қайтыс болғаннан кейін 2015 жылы 27 қарашада Батырхан Шүкенов атындағы қордың қолдауымен жарық көрген "Аманат" атты альбомға енген. Музыкасын Қуат Шілдебаев, сөзін Абдрахман Асылбеков жазған. 

"Жарығым, жаным, кең дала,

Арайлы таңым сен ғана,

Аймаладың мені алтын анамдай.

Аяладың мені жарқын балаңдай..." – деп басталатын "Аманат" әні – Батырхан Шүкенов орындаған, болашақ ұрпақтың Отан, қоршаған орта және адамдар алдындағы жауапкершілігін ұғындыратын әні. Музыкант "Отан Ана", "Сағым Дүние" әндерінен кейін осы туынды арқылы композитор Қуат Шілдебаевпен бірге отан туралы әдемі триптихке нүкте қойған. 

Серіктестер жаңалықтары