"Дарын" мемлекеттік жастар сыйлығына өтінім қабылдау басталды

"2021 жылғы 20 мамырдан бастап 10 тамызға дейін "Дарын" сыйлығына үміткерлердің құжаттарын қабылданады. "Дарын" сыйлығына үміткерлерге қойылатын негізгі талап – сыйлық алуға өтінімдерді қабылдау аяқталғанға дейінгі сәтте жасы 29-ға толмаған болуы керек. Толық мәлімет Ақпарат және қоғамдық даму министрлігінің ресми сайтында жарияланған.

"Үміткер жастарды орталық, жергілікті мемлекеттік органдар, оқу орындары, шығармашылық ұйымдар мен қоғамдық бірлестіктер ұсына алады", – деді Жастар және отбасы істері комитетінің төрағасы Шахмардан Байманов. Оның айтуынша, сыйлық аясында берілетін номинация тізімі өзгермеген.

---

Оқи отырыңыз: Қазақстанда мемлекеттік ең жоғарғы қанша марапат бар? Кімдерге, қалай беріледі?

---

 

"Байқау әдебиет, ғылым, дизайн және бейнелеу өнері, журналистика, классикалық музыка, қоғамдық қызмет, спорт, театр және кино,эстрада, халық шығармашылығы атты 10 номинация бойынша өтеді.

"Дарын" мемлекеттік жастар сыйлығы жемісті ғылыми, шығармашылық, қоғамдық қызметі, спорттық жетістіктері үшін дарынды жастарды қолдау үшін беріледі.

"Дарын" мемлекеттік жастар сыйлығына Қазақстанның талантты, белсенді шығармашылық, халықаралық және республикалық конкурстар мен фестивальдардың, түрлі шаралардың лауреаттары, республикалық және халықаралық деңгейдегі спорттық жарыстардың жүлдегерлері мен жеңімпаздары, сондай-ақ, түрлі қалаларда қоғамдық дамытуда сүбелі үлес қосып жүрген 29 жасқа дейінгі азаматтар үміткер бола алады. Бүгінге дейін 294 адам "Дарын" мемлекеттік жастар сыйлығының иегері атанды", – деді Шахмардан Байманов.

Сыйлыққа үміткерлерді мемлекеттік және жергілікті органдар, білім беру мекемелері, шығармашылық ұйымдар мен қоғамдық бірлестіктер ұсынады.