Balapan арнасы бетперделі қаһарман бейнесін жасады

Жоба алдында балаларға вирустан келетін қауіп-қатерді, одан қорғану тәсілдерін түсіндіру мақсаты тұр.

Balapan телеарнасында коронавирус қаупі мен онымен күресу жолдарын балаға ұғынықты тілде жеткізетін "Бетперделі батыр" анимациялық жобасы жарық көрді. Мультхикая жалпы 20 бөлімнен тұрады. Ол түрлі шытырман оқиғалар арқылы кішкентай көрермендерді тазалық сақтауға шақырып, карантин шараларының маңызын жеткізеді.

"Пандемия басталып, бүкіл әлем абдырап жатқан кезде Balapan өз алдына балаларға вирустан келетін қауіп-қатерді, одан қорғану тәсілдерін түсіндіру мақсатын қойды. Сол сәтте арнадағы мультфильм кейіпкерлерінің барлығына дерлік маска кигіздік. Тікелей эфирде коронавируспен күресудің жолдарын түсіндіретін "Сау болайық!" тележобасы эфирге шықты. Осыдан кейін барып, алдымызға супер қаһарман ойлап тапсақ деген жаңа міндет қойдық. Әлемдік тәжірибені және өз мүмкіндіктерімізді саралай келе, "Бетперделі батыр" атты жаңа қаһарманды ойлап таптық. Жас көрермендерімізге әлеуметтік жауапкершіліктің мәнін осылайша анимация арқылы түсіндіргіміз келді", – дейді Balapan телеарнасының директоры Мақпал Жұмабай.


Оқи отырыңыз: Qazaqstan арнасында Marvel мен Disney көркем туындылары қазақ тілінде көрсетіледі


"Бетперделі батыр" бейнесі алдыңғы шепте жүрген дәрігерлерге, құтқарушылар мен тәртіп сақшыларына ұқсас ойластырылған. 

Шытырман оқиғалы мультхикая Balapan арнасынан дүйсенбі-жұма күндері 19:20-да, ал сенбі-жексенбі күндері 21:35-те эфирге шығады.

Поделиться:

informburo.kz в Facebook:

подпишитесь, чтобы ничего не пропустить

Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары