Бразилиядағы Баиа Халықаралық анимациялық фестивалінде (FESTIVAL INTERNACIONAL DE ANIMAÇÃO DA BAHIA) Balapan Телеарнасының "Шыңырау" анимациялық фильмі "Үздік саундтрек" номинациясында жеңімпаз атанды.
Бұл туралы телеарна директоры Мақпал Жұмабай Facebook парақшасында:
"Шыңырау" – "Қоңыр қаз" анимациялық жобасының 2Д қысқа метражды фильмдерінің бірі, онда біз анимация көмегімен классикалық музыкалық шығарманың сюжетін, сондай-ақ, Ықылас Дүкенұлының күйіндегі мифологиялық және фольклорлық сарындарды бейнелеуге тырыстық. Қобыздың қайталанбас үні арқылы қазақ халқының бай мәдениетін көрсетуге тырыстық. Balapan телеарнасы ұжымын, сценаристер Зира Наурзбаева мен Тамара Мұқанованы, қобызшы Акнар ШарипбаеваНы, режиссер Дильшат Рахматуллинді, Dala Animation командасын халықаралық марапатымен құттықтаймыз!" – деп жазды.
