Astrazeneca вакцинасының атауы Vaxzevri болып өзгертілді

Австрияда вакцинацияланған адамға көптеген тромбоз диагнозы қойылып, ол алғашқы дозасын алғаннан кейін он күн өткен соң қайтыс болды. Тағы бір адам өкпе эмболиясымен ауруханаға түсті. Кейінірек осындай мәліметтер басқа Еуропа елдерінде де тіркеле бастады.

EMA агенттігі сайтының мәліметінше, Швеция Денсаулық сақтау өнімдері агенттігінің порталы бұл басқа өзгерістерге әкеп соқтырмайтынын айтады, бірақ екпе қоятын мамандар премпараттың атауы өзгергені туралы білуі керек, өйткені өнім туралы ақпарат, таңбалау және орау әртүрлі болуы мүмкін.

ЕуроОдақтың кейбір мемлекеттері  препаратты сақтық шара ретінде қолдануды тоқтата тұруға шешім қабылдады. EMA сарапшылары AstraZeneca вакцинасының тромбоэмболиялық асқынулардың жалпы қаупін арттыратынын растаған жоқ.

Сондай-ақ, реттеуші оның қауіпсіздігі мен тиімділігі туралы хабарлады және халықтың пайдасы мен қорғанысы препаратпен байланысты ықтимал тәуекелдерден әлдеқайда көп екенін атап өтті. Сонымен қатар, ғалымдар жанама әсерлер мен әрекеттерді зерттеуді жалғастырады және тромбоз жағдайлары туралы мәліметтер ол туралы жалпы ақпаратқа қосылады.