Тікелей эфир

Астанада электр самокаттарды жалға беретін алаң іске қосылды

Қазіргі уақытта қалада 100 самокат іске қосылды, алда олардың санын мыңға жеткізу жоспарланған.

Елордада қала қонақтары мен тұрғындары үшін электр самокаттарды жалға беретін алаң іске қосылды. Бұл самокаттарды  жалға беретін алғашқы  платформа. Бұл "ГЦРИ "Astana Invest" ЖШС мен Jet Kazakhstan  компаниясымен бірлескен жоба.

Жұмыс принципі – кез-келген азамат самокатты стационарлық станцияда алып, қажетті мекен-жайға жетіп, көлікті жақын жерде орналасқан кез-келген станцияға тастай алады.

Электр скутерін пайдалану үшін JET мобильді қосымшасын жүктеп, телефон нөмірі арқылы тіркеліп, төлем үшін банк картасын байланыстыру керек. Одан кейін қалаған скутеріңізді таңдап, QR кодын сканерлеп, қолайлы тарифті төлеген соң жолға шыға беруге болады.

Қазіргі уақытта қалада самокат алуға немесе қалдыруға болатын 60-тан астам орын бар, олар сол және оң жағалауда орналасқан. Электр самокат орналасқан жері және зарядталу жағдайы туралы мәліметтер JET қосымшасында. Сонымен қатар, таңдалған самокатты брондауға болады, ол үшін ақы төлемейсіз.

Самокатты жалға алу бағасы:

  • Дүйсенбі-бейсенбі: 00:00-ден 11:59-ға дейін – 30 теңге. (1 мин.);
  • Дүйсенбі-бейсенбі: 12:00-ден 23:59-ға дейін – 35 теңге. (1 мин.);
  • Жұма-жексенбі: 00:00-ден 23:59-ға дейін – 35 теңге. (1 мин.).

 

Бұл мақала сізге пайдалы болды ма?
0

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар
Серіктестер жаңалықтары