Алматының Әуезов ауданында екпе алғандар арасында ұтыс ойнатылады. Сыйлыққа электросамокат беріледі

Алматы қаласы Әуезов аудандық вакцинациялау пунктілерінде тұрғындарды вакцина алуға шақыру мақсатында ұтыс акциясы өтеді.

Тұрғындар вакцина алып, бағалы сыйлықтарға ие бола алады. Вакцина алғаны туралы анықтама көрсеткендерге ұтыс ойынына қатысу билеттері беріледі.

Аталған науқан Әуезов ауданының үш нысанында өтеді:

• "Кар Сити" ТК, сағат 9.00-14.00;
• "Спутник" СОО, сағат 10.00-17.00;
• "Тигрохауд" СҮ, сағат 10.00-17.00.

Әуезов ауданында 24 егу пункті ашылды: №10, №15, №16, №18 емханалар, "Рахат", "ХАК", "Medline", "Медсервисхирургия" жеке медицина орталықтары. Коронавирусқа қарсы екпені "Grand park", "Asia park", "Спутник", "Car city", "Мәскеу" және "Almaty mall" сауда орталықтарынан, №123 мектеп пен "Үш Сұңқар" тұрғын үй кешенінде алуға болады.