Алматыда жұма намазы қалай оқылады?

Алматының бас мемлекеттік санитария дәрігері Жандарбек Бекшиннің 23 сәуірдегі №16 қаулысында діни нысандардың жұмысына қатысты:

"Жеке және ұжымдық құдайға құлшылық етуге (жұма намаздары, жексенбі қызметтері) тек діни нысандар аумағында (ашық ауада) толтырылуы 50%-дан және ұзақтығы 60 минуттан артық емес, әлеуметтік қашықтықты 1,5 метрден кем емес және маскалық режимді қатаң сақтай отырып, тиісті белгілерді орнатқанда ғана рұқсат етіледі", – делінген. 

Оқи отырыңыз: Жұмадағы бір садақаның сыры

• мешіт аумағында (ашық ауада) оқу; 
• жамағаттың мешіт ауласында намаз оқуына жағдай жасау, антисептиктер, маскалар қою; 
• мешітке міндетті түрде, бетперде тағып келу; 
• дәретті барынша үйден алып келу; 
• намаз оқитын жайнамаздарын үйден алып келу;
• мешіт аумағында белгілі арақашықтықты сақтау, бір-бірімен қол алыспау; 
• намаз оқығанда арақашықтық 1,5 метрден жақын болмау, намазды арнайы белгіленген орында оқу; 
• мешіт аумағында ұзақ уақыт қалмау; 
• дене қызуы 37°-дан жоғары, сондай-ақ, тұмау және басқа да ауру белгілері бар адамдардың мешітке келмеуі; 
• жасы 65-тен асқан қариялардың, балалар мен әйел кісілердің мешітке келмегені дұрыс;
• күнделікті мешіт ішіне және ауласына залалсыздандыру жұмыстарын жүргізу.