"Алматы жастары" бағдарламасы бойынша жолдама алған 500 үміткердің тізімі жарияланды

4 мамыр 2021, 18:52 Назерке Абибулла Авторға хат жазу قازاقشا Qaz

Жеңілдетілген тұрғын үй бағдарламасына 9 741 өтініш түскен.

2021 жылы 10 наурыз бен 31 наурыз аралығында "Алматы жастары" жеңілдетілген тұрғын үй бағдарламасына 9 741 өтініш келіп түсті. Алғашқы 500 үміткерге тұрғын үй алуға жолдама берілді. Келесі 500 үміткер тізімі бір аптадан соң шығады. Бағдарлама қатысушылары жолдама алған-алмағанын almaty-zhastary.kz сайтынан немесе жеке кабинетке кіріп біле алады.

Тұрғын үй алуға жолдама берілген өтініштер:

денсаулық сақтау саласының қызметкерлерінен – 100;
білім беру – 100;
мәдениет – 40;
спорт – 30;
ЖОО және ҒЗИ қызметкерлері – 40;
БАҚ – 34;
әлеуметтік сала – 30;
құқық қорғау органдары – 126.

Жолдама алған азаматтардың тізімі:

Бағдарламаға қатысуға 5 913 өтініш жіберілген:

денсаулық сақтау саласының қызметкерлерінен – 1 716;
білім беру – 2 356;
мәдениет – 225;
спорт – 55;
ЖОО және ҒЗИ қызметкерлері – 639;
БАҚ – 111;
әлеуметтік сала – 57;
құқық қорғау органдары – 754.

Төменде бағдарламаға қатысуға өтініш берген 5 913 адамның тізімі:

Бағдарлама талаптарына сәйкес келмегендіктен 3 828 өтініш қайтарылды:

Бұл бағдарламаны жүзеге асыру үшін биыл қалалық бюджеттен және "Отбасы банкінен" 18 млрд теңге бөлінді.

Бағдарламаның негізгі шарттары былтырғыдан айтарлықтай өзгермеген. Биыл мамандықтар тізіміне құқық қорғау органдары мамандары қосылды. Сондай-ақ, үміткердің лауазымына қатысты талап та жеңілдетіліп, мекеменің штаттағы кез келген қызметкері өтінім бере алады деген өзгеріс енгізілді.

Бағдарламаның басты талабы – үміткер жасы 35 жастан (қоса алғанда) аспауы шарт. Әрі олар Алматыда тұрақты жұмыс істеуі тиіс. Құжаттар almaty-zhastary.kz порталында электрондық цифрлық қолтаңба арқылы қабылданды.