Әлемде коронавирустан қайтыс болғандар саны үш миллионға жетті

Covid-19 жұқтырғандар саны 140 миллионнан асты.

Әлемде коронавирус инфекциясынан көз жұмғандар саны үш миллионға жетті. Бұған Америкалық Джон Хопкинс университеті мен worldometers.info сайтында жарияланған мәліметтер дәлел.

Пандемия басталғаннан бері әлемде коронавирус инфекциясын жұқтырған 140 523 017 адам тіркеліп, 3 012 128 адам қайтыс болды. 

Коронавируспен ауырғандар саны 10 млн адамнан асатын елдер – АҚШ, Үндістан және Бразилия. АҚШ-та коронавирус 32,5 млн адамнан анықталып, 579 мың адам көз жұмған. Үндістанда коронавирус жұқтырған 14,5 млн адам тіркелсе, 175 мың адам кайтыс болған. Бразилияда вирус жұқтырғандар саны – 13,8 млн адам, көз жұмғандар – 369 мың адам.

Covid-19 өлім-жітім статистикасы бойынша бестікті Мексика (211 мың адам) мен Ұлыбритания (127 мың адам) қорытындылайды.

Дүниежүзілік денсаулық сақтау ұйымының бас директоры Тедрос Адханом Гебресиес коронавирустың әлемде таралу жылдамдығы бүкіл пандемия бойынша ең жоғары көрсеткішке жақындағанын айтты.

Осы уақытқа дейін Қазақстанда Covid-19 284 мың адамнан анықталып, 3 190 адам көз жұмды. 2020 жылдың 1 тамызынан бері коронавирустық пневмониямен ауырған 51 763 адам тіркеліп, 748 адам қайтыс болды.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары