45 сағатта – 320 шақырым. Қазақстандық ультрамарафоншының жаңа рекорды

Марафон навигациялық платформа көмегімен, оның бағыты мен арақашықтықты, өту уақыты онлайн режимде бақыланды.

Қазақстан Қарулы Күштердің ультрамарафоншысы жаңа рекорд орнатты, деп хабарлайды Информбюро ҚазАқпарат агенттігіне сілтеме жасап.

Қарағанды гарнизонының әскери полиция офицері, капитан Заңғар Әлкенов 45 сағатта "Жезқазған – Жаңаарқа" бағыты бойынша 320 шақырым қашықтықты жүгіріп өтті. Ол 27 мамырда Жезқазған қаласынан бастап, 29 мамырда туған жері Жаңарқа ауданында белгіленген уақыттан үш сағат бұрын марафонды аяқтады.

"Мен үшін әр марафон – беріктікті сынау. 320 шақырым қашықтықты бағындырғанда өз мүмкіндіктерімді тағы шыңдап көрдім. Бұл мен үшін оңай болмағанын мойындаймын", – деп бөлісті әскери қызметші.

Аталмыш марафон навигациялық платформа көмегімен, оның бағыты мен арақашықтықты, өту уақыты онлайн режимде бақыланды.

Капитан Заңғар Әлкенов – қазақ күресінен спорт шебері және дзюдо мен самбодан спорт шеберіне үміткер. Оның бағындырған алғашқы қашықтығы 15 шақырым, содан кейін – 21, 42, 75, 83-ке жетті. Өткен жылдың қыркүйегінде әскери қызметші 35 сағат 11 минут 52 секундта 200 шақырымды жүгіріп өткен. Бұл жүгіруді әскери қызметші Қазақстан Тәуелсіздігінің 30 жылдығына және Қарулы Күштердегі әскери полиция органдарының құрылғанына 24 жыл толуына арнады.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары