Шарын шатқалындағы екі адамның өліміне қатысты жағдайды Төтенше жағдайлар министрлігі Азаматтық қорғаныс және әскери бөлімдер комитетінің төрағасы Бауыржан Сыздықов түсіндірді. 

Ол шатқалда сел жүрмегенін, бірақ қатты жаңбыр салдарынан балшық пен су ағынының пайда болғанын түсіндірді.

"Шарын шатқалы мен оның ойпаты сел қауіпі бар аймақ емес екенін түсінуіміз керек. Ол жерде ТЖМ "Қазселзащита" бөлімшесі жоқ. Алматы мен Алматы облысы бойынша Төтенше жағдай департаментіне де  Қазгидрометтен сел жүретіні туралы ескерту болған жоқ", – деді ол баспасөз мәслихатында.

Оқи отырыңыз: Шарын шатқалында №199 Алматы гимназиясының оқытушысы мен оқушысы көз жұмды

Сыздықов таулы аймақтарға бет алатын туристер ұялы байланыс барлық жерде бола бермейтініне дайын болу керек екенін айтты. Сонымен қатар, оқиға куәгерлерінің ұялы байланыс проблемаларына қатысты құтқарушылармен байланысу мүмкін болмағаны туралы куәгерлердің ақпаратына  түсініктеме берді. 

"Байланыс туралы айтатын болсақ, иә, біздің таулы аудандарда байланыс барлық жерде бола бермейді, біз мұны түсінуіміз керек. Мұнда туристерді міндетті сақтандыру туралы заңға сәйкес туроператор қамқорлық жасауы керек еді", – деді ол.