Биыл Қазақстаннан халықаралық бағыттарға 18 жаңа авиамаршрут ашу жоспарланып отыр, деп баяндады Индустрия және инфрақұрылымдық даму министрі Марат Қарабаев Үкімет отырысында. Бүгінгі күнге дейін оның 9-ы ашылған.

Жаңартылған бағыттар:

  1. Астана – Пекин (Air Astana);
  2. Алматы – Самарқан (FlyArystan); 
  3. Астана – Баку (AZAL);
  4. Астана – Үрімші, Алматы – Сиань (China Southern Airlines). 

Жаңадан ашылған бағыттар:

  1. Алматы – Шарм-эль-Шейх (Air Cairo);
  2.  Астана – Шарм-эль-Шейх (Air Cairo-2, Red Sea-2);
  3. Астана – Сиань – Пекин (Air China);
  4. Шымкент – Дели (FlyArystan).

Жоспар бойынша, жыл соңына дейін Доха, Куала-Лумпур, Анкара, Карачи, Лахор, Джидда, Маскат, Прага және Тель-Авивке тағы 9 жаңа халықаралық маршрут ашылады. Ал 2025 жылға дейін Мумбай, Гонконг, Вена, Токио, Сингапур, Нью-Йорк және басқа қалаларға рейс ашу жоспары бар. 

Оқи отырыңыз: Түркістаннан Абу-Дабиге тікелей әуе рейсі ашылады

Атай кетейік, бүгінгі күні Қазақстаннан 27 елге 103 авиамаршрут бойынша халықаралық тасымалдарды 3 отандық, 26 шетелдік авиакомпания орындайды.