"Қазгидромет" мамандары 22 сәуірге арналған ауа райы болжамын жариялап, елдің 11 облысы мен Астанада тұрғындарға дауылды ескерту жасады.

Синоптиктердің мәліметінше, Астана қаласында түннің бірінші жартысында және күннің соңында аздаған жаңбыр жауып, найзағай ойнайды.

Бірқатар өңірде жаңбырмен қатар қатты жел, бұршақ және тұман күтіледі. Атап айтқанда, Ақмола, Қарағанды, Қостанай және Солтүстік Қазақстан облыстарында желдің екпіні секундына 15-20 метрге дейін жетеді. Кей жерлерде бұршақ жаууы ықтимал.

Жамбыл облысы мен Түркістан облысы аумағында таулы аудандарда тұман түсіп, жаңбыр мен найзағай болады. Түркістан өңірінде кей жерлерде дауыл соғып, нөсер жаңбыр жаууы мүмкін.

Ал Маңғыстау облысы орталығында кей уақытта қатты жаңбыр жауып, найзағай күтіледі.

Сондай-ақ, Ұлытау облысы мен Қарағанды облысы аумағында жаңбыр, найзағай және бұршақ болжануда.

Оқи отырыңыз: Қазақстанда діни мәселелер бойынша жасанды интеллект кеңес береді

Қызылорда облысы, Батыс Қазақстан облысы және Қостанай облысы өңірлерінде де жел күшейіп, кей жерлерде тұман түседі. Батыс Қазақстан облысында түнде 3 градусқа дейін үсік жүруі ықтимал.

Сонымен қатар, Абай облысы мен Түркістан облысының батыс бөлігінде жоғары және төтенше өрт қаупі сақталып отыр.

Синоптиктер тұрғындарға ауа райының күрт өзгеруіне байланысты сақ болуды ескертеді.