Жамбыл облысында 107 емшара кабинеті жұмыс істейді, оның 42-сінде ғана дәрігерге дейінгі медициналық көмек көрсетуге рұқсат беретін лицензия бар. Бұл туралы Денсаулық сақтау министрлігі хабарлады. 

2024 жылдан бастап 2025 жылдың I тоқсанына дейін медициналық және фармацевтикалық бақылау комитетіне және оның аумақтық бөлімшелеріне рәсімдік медициналық қызмет көрсету сапасына қатысты азаматтардан 7 өтініш түскен. Осы өтініштердің әрқайсысы бойынша жоспардан тыс тексерулер жүргізілген.

Тексеру нәтижесінде:

  • 4 тиісті лицензиясыз медициналық қызмет көрсету фактісі;
  • 3 сертификатталған мамандарсыз рәсімдік қызмет көрсету жағдайы;
  • 2 дәрілік заттарды сақтау шарттарын бұзу фактісі анықталды.

Комитет тиісті хаттама жасап, жалпы сомасы 1 млн теңгеден астам айыппұл салды.

Жамбыл облысында өліммен аяқталған жағдайға қатысты қосымша жоспардан тыс тексеру жүргізілді. Нәтижесінде дәрі-дәрмектер мен медициналық бұйымдарды дұрыс сақталмағаны анықталды. Материалдар одан әрі тергеу үшін құқық қорғау органдарына берілді. Емшаралар кабинеттерінің бірі қызметін ресми түрде тоқтатты.

Оқи отырыңыз: Қазақстанда лицензиясыз жұмыс істеген 58 мектепке айыппұл салынды

Осыған байланысты Денсаулық сақтау министрлігі азаматтарға:

  • емшаралық медициналық қызметтерге тек лицензиясы бар медициналық ұйымдарға жүгінуге;
  • қызметкерлердің лицензиясы мен біліктілігінің болуын нақтылауға;
  • тиісті дәрігерлік бақылаусыз үйде медициналық рәсімдерді жүргізуге жол бермеуге шақырады.