Владимир Жириновский қайтыс болды
Дәрігерлер саясаткердің өмірі үшін бірнеше апта күрескен.РЛДП партиясының жетекшісі Владимир Жириновский 75 жасында қайтыс болды. Бұл туралы ресейлік саясаткер Вячеслав Володин хабарлады.
"Ауыр және ұзаққа созылған аурудан кейін Владимир Вольфович Жириновский қайтыс болды", – деді мемлекеттік думаның спикері.
БАҚ мәліметінше, Жириновский коронавирустық инфекциядан көз жұмған.
Саясаткер осы жылдың ақпан айында ауырып бастаған. Оған өкпесінің 50-75%-ы зақымдалған деген диагноз қойылды. Алайда ол дәрігерге уақытылы жүгінбеген.