Сотталушы Қуандық Бишімбаевтың анасы Альмира Нұрлыбекова Салтанат Нүкеновамен қарым-қатынасы туралы айтып берді.

"Бүгін мен Салтанаттың отбасының алдында, бүкіл Қазақстан қоғамының алдында кешірім мен қайырымдылық тілеймін. Ұлым Қуандық үшін барша аналардан, барша қыздардан, әйелдерден кешірім сұраймын. Мені кешіріңіздер. Маған өте ауыр. Салтанат қайтыс болған күннен бері қиналмаған бір минутым болған жоқ. Мен ең алдымен жан төзгісіз азапқа душар еткен Салтанаттың анасы, әкесі және туыстарынан кешірім сұраймын", – деді Альмира Нұрлыбекова.

Оның айтуынша, Қуандық көп күйзеліс пен әділетсіздікті бастан өткерді, өмірінде ұшу мен құлдырауды басынан өткерген, достарының, әріптестерінің опасыздығын көрген. Бұл оған "азап, қайғы және психикалық көңілқ қалушылық әкелген". Сондықтан, Бишімбаев отбасылық бақытты, тыныштық, жайлылық пен балаларды қалаған.

"Біз де оның сүйіспеншілікке толы, қамқор әйелі болады және олар берік отбасылық шаңырақ құрады деп үміттендік. Өмірдің қиындығын басынан кешіргеннен кейін күлімсіреп, қуанышқа бөлене бастады. Ол Салтанатты жақсы көретін, оны бәріміз де көрдік. Біздің отбасымыз Салтанатты қуанышпен, сүйіспеншілікпен қабылдады. Біз олардың қарым-қатынасы үшін қуандық. Ақыры Қуандық сүйгенін кездестіргеніне қуандық. Мен Салтанатпен өте жақсы қарым-қатынаста болдым. Көп сөйлестік, жүрдік, талқыладық, әңгімелестік. Мен оған барлық жағынан қолдау көрсетуге тырыстым. Мен әйелдік даналығымды оның бойына сіңіруге, үйретуге, жеткізуге тырыстым. Мен оған отбасындағы ауа райы әйелге байланысты екенін айта бердім. Әйел ақылды, мейірімді, жанжалсыз болу керек. Сонда отбасында бәрі жақсы болатынын айттым", – деді Альмира Нұрлыбекова.

Оқи отырыңыз: Қуандық Бишімбаевтың анасы: Мен бала тәрбиесінде жеңіліске ұшырадым