Тоқаев Трамптың шақыруымен Давоста Бейбітшілік кеңесінің жарғысына қол қою рәсіміне қатысады
Қазақстан Бейбітшілік кеңесінің құрылтайшы елдерінің бірі болады.
Мемлекет басшысы Қасым-Жомарт Тоқаев АҚШ президенті Дональд Трамптың шақыруымен Давос қаласына жұмыс сапарымен барады, деп хабарлайды Ақорда.
"22 қаңтар күні мемлекет басшысы Қасым-Жомарт Тоқаев АҚШ президенті Дональд Трамптың шақыруымен Бейбітшілік кеңесінің жарғысына қол қою рәсіміне қатысу үшін Давос қаласына жұмыс сапарымен барады", – делінген Ақорданың хабарламасында.
Еске салайық, Қазақстан президенті Қасым-Жомарт Тоқаев Дональд Трамптың ұсынысы бойынша құрылған Бейбітшілік кеңесіне қосылуға ресми шақыру алған алғашқы әлемдік көшбасшылардың бірі болды.
АҚШ-тың Газа секторына қатысты жоспары аясында ұсынылған Бейбітшілік кеңесі аймақты уақытша халықаралық басқаруға алып, оны қалпына келтіру процесін бақылауды көздейді.