Тоқаев: 2023 жылы жаңа салық кодексі әзірленеді
Мемлекет басшысы салықты басқару жүйесін толығымен жаңартуды тапсырды.Елде салық жүйесін бақылауды толықтай цифрландыруымыз қажет, деп мәлімдеді президент Қасым-Жомарт Тоқаев.
"Экономикалық даму салық саясатымен тікелей байланысты екені түсінікті. Фискалдық реттеуді жолға қою үшін 2023 жылы жаңа салық кодексі әзірленеді. Оның ең проблемалық блогы – салықты басқаруды толығымен жаңарту", – деді мемлекет басшысы.
Сондай-ақ, ол салықты бақылауды толық цифрландыру қажеттігін атап өтті.
Оқи отырыңыз: Мемлекеттен көмек алатын бизнес өкілдерін анықтайтын автоматты жүйе енгізіледі
"Салық реформасы аясында "сән-салтанат салығын" енгізу мүмкіндігін қарастыру маңызды. Ол қымбат жылжымайтын мүлік, көлік құралдарын сатып алған кезде алынады және орта тапқа әсер етпейді", – деп қосты Тоқаев.