Бас прокурордың орынбасары Ғалымжан Қойгелдиев Талғардағы Шерзат Болаттың өліміне қатысты пікір айтты.

"Талғардағы кісі өлімінің тергеуі үнемі бақылауда. Күдіктілер ұсталды, оларға бірқатар айып тағылып отыр. 15 қазанда ішікі істер министрінің бірінші орынбасарының төрағалығымен брифинг өтті. Тергеу бойынша жария етілетін мәлімет айтылды. Марқұмның әкесіне қатысты ешқандай қылмыстық іс жоқ. Үйді өртеу фактісі бойынша да іс қаралып жатыр. Сараптамалар тағайындалды. Жұмыс жалғасып жатыр", – деді Ғалымжан Қойгелдиев.

Оқи отырыңыз: Талғардағы Шерзаттың өлімі: Полиция қандай қылмыстық баптар бойынша тергеу жүргізіп жатыр

Еске салайық, 4 қазанда Талғар қаласында болған қайғылы оқиға – кәмелет жасына толмаған Шерзат Болаттың өлімі қоғамдық резонанс тудырды. Осыған байланысты жеті адам қамауға алынды. Бұл істі бас прокурор мен ішкі істер министрі өз бақылауына алды.

Кейін, 12 қазанда Шерзат Болаттың үйі өртеніп кетті. Үй сыртынан канистр мен резеңке қолғап табылған.

Қалада қоғамдық тәртіпті Ұлттық ұлан әскері қадағалауда.