Азаматтық авиация комитеті Пәкістанның авиациялық билігімен бірлесіп SCAT әуе компаниясының Пәкістанға тұрақты жолаушылар рейстерін ашу мәселесін пысықтады, деп хабарлады Индустрия және инфрақұрылымдық даму министрлігінің баспасөз қызметі.

Рейс 2023 жылғы 8 шілдеден бастап аптасына 2 рет: сәрсенбі және сенбі күндері Алматы – Лахор бағыты ұшады. Ол үшін Воеіng 737 әуе кемесі қарастырылған.

"Қазақстан мен Пәкістан арасында әуе қатынасын ашу елдер арасындағы сауда-экономикалық, инвестициялық, туристік және мәдени ынтымақтастықты дамытуды жеделдетуге мүмкіндік береді", – деп жазылған хабарламада.

Оқи отырыңыз: Түркістаннан Абу-Дабиге тікелей әуе рейсі ашылады