Қырғызстанда 2024-2025 оқу жылы 2 қыркүйекте басталып, 2025 жылғы 26 мамырда аяқталады. Бұл туралы елдің білім беру министрлігі хабарлады. Оқу жылының бір күн кеш басталып, бір күн кеш аяқталуына атаулы күндердің жексенбіге сәйкес келуі себеп. 

Министрліктің хабарлауынша, 1 сынып оқушылары үшін оқу жылы 33 аптаға созылса, 2-8 және 10 сынып оқушылары 34 апта білім алады. Ал 9 және 11 сынып оқушылары үшін оқу жылы емтихан уақытын қоса алғанда 36 аптаға дейін созылады. 

Еске салайық, Қазақстанның Оқу-ағарту министрлігі 1 қыркүйектің жексенбіге сәйкес келуіне байланысты оқу жылының басталу күні өзгермейтінін хабарлады. Қазақстанда алғашқы қоңырау дәстүрге сай 1 қыркүйекте соғылады. 

Ал Өзбекстанда жаңа оқу жылы 4 қыркүйекте басталады. Бұл елде 1 қыркүйекте Тәуелсіздік күні мерекеленуімен байланысты. 

Оқи отырыңыз: