"Болашақ" шағынауданында орналасқан 14-ке жуық үй бір айдан астам уақыттан бері су астында қалып отыр, деп хабарлады ТЖ жөніндегі жедел штаб.

Жылыой ауданы әкімінің айтуынша, шағын ауданның 14-ке жуық үйі ойпатта орналасқан. Сондықтан судан құрғату жұмыстарының қарқынды жүргізіліп жатқанына қарамастан, аталған аумақтан су өте баяу кетіп жатыр.

Осыған байланысты Жылыой ауданының әкімі Жұмабек Қаражанов аталған ықшамауданның су басқан үйлердің тұрғындарына болашақтықтар үшін, Құлсарының биік жерінен жаңа үйлер салуға және жер учаскелерін бөлуді ұсынды.

"Мен тұрғындарға тасқын суды каналға жіберудің орнына, Құлсары қаласының қауіпсіз бөлігінде жер телімдерін бөлуді ұсынып отырмын. Бұған дейін бізде болуы мүмкін барлық шығындарды есептейміз. Тұрғындар мұндай ұсынысқа қарсы емес. Енді біз қажетті құжаттар мен актілерді дайындаймыз. Тұрғындар қаланың қауіпсіз бөлігінде жер учаскелерін беруге келіскен жағдайда, бағалау компаниясын шақырып, осы бағытта жұмысты бастаймыз", – деді Жұмабек Қаражанов.

Еске салайық, Құлсары қаласында су тасқынынан зардап шеккен 200-ден астам үйдің залалын бағалау нәтижелері дайындалып, таныстырылды. Жақын арада Жылыой ауданының әкімдігімен меморандум жасасқан тұрғындарға өтемақы төлеу басталады.

Оқи отырыңыз: Құлсарыдағы су тасқыны: 200-ден астам үйдің бағалау нәтижесі әзір болды