Қостанай облысы Қарабалық ауданының прокуратурасымен ірі жер пайдаланушыдан ауданы 14 мың гектар заңсыз сатып алынған жерлерді қайтару бойынша жұмыс жүргізілді. Бұл туралы Қостанай облысының прокуратурасы хабарлады.

"Бұған дейін мемлекет келісімшартқа сәйкес кәсіпорынға ауыл шаруашылығы мақсатындағы жерлерді берген болатын, алайда олардың талаптарын орындамауына байланысты келісімшарт бұзылды. Жерді мемлекетке қайтарудың орнына, кәсіпорын әртүрлі серіктестіктерге жерді қайта бөлу арқылы жерді қасақана алып тастады", – деп жазылған хабарламада.

Сотта жауапкерлер талап арызды мойындап, олар аудан әкімдігіне жерді ерікті түрде қайтару туралы арыз жолдады.

Оқи отырыңыз: Алматыда 700 млн теңгеге заңсыз сатылған жерлер мемлекет меншігіне қайтарылды

Қазіргі уақытта аудан әкімінің жерді мемлекет меншігіне беру туралы тиісті қаулысына қол қойылды.