Сауалнамаға сәйкес Қазақстан аумағындағы ең танымал туристік орын Щучинск-Бурабай курорттық аймағы болды. Сауалнамаға қатысушылардың 54,1 пайызы осы жермен таныс және респонденттердің кемінде 33 пайызы барған. Сондай-ақ респонденттердің 25,1 пайызы тағы да барғысы келеді. Бұл туралы FFG компаниясы жүргізген зерттеу нәтижесінде белгілі болды. 

Қазақстандықтар арасында екінші танымал бағыт – Қапшағай су қоймасы. Бұл жерде сауалнамаға қатысушылардың 22,3 пайызы барса, 12,6 пайызы тағы да баруға ниет білдірді. 

"Сауалнамаға қатысқандардың 39,1 пайызы Қапшағай су қоймасын жақсы біледі. Ол танымалдылығы жағынан Алакөл көлінің жағалауынан (40,8%) төмен тұр. Бұл жағалауға респонденттердің 15,5 пайызы барған, ішінде 12,2 пайызы тағы да барғысы келеді. Бұл ретте Жетісу облысындағы көл жағалауы респонденттер арасында онша танымал емес және Абай облысындағы көл жағалауынан танымалдылығы жағынан да, келуі мен қайтадан келу қалауы бойынша да айтарлықтай төмен. Төртінші және бесінші орындарда Түркістан қаласы мен Қарағанды облысының Балқаш көлі, соның ішінде Балқаш және Приозерск қалалары орналасқан", – делінген зерттеуде. 

Жастардың Щучинск-Бурабай курорттық аймағы, Қапшағай су қоймасы және Алакөл көлі туралы білім деңгейі Абай облысындағы басқа жас топтары өкілдерінің білім деңгейімен салыстырғанда айтарлықтай төмен.

25-34 жас аралығындағы респонденттердің 10,8 пайызы "Шарын" шатқалына ең болмағанда бір рет барған және Oi-Karagai таулы курорт-қонақ үйіне барғысы келетіндердің үлесі (8,2%) Балқаш көлін таңдағандармен салыстырғанда көбірек болды (тиісінше 9,8% және 6,7%).

"55 жастан асқан респонденттердің арасында Баянауыл және Зеренді курорттық аймақтарына, сондай-ақ "Арыстан-баб" кесенесіне тағы да баруға ниет (әрбір жағдайда 10,4%) Алакөл облысының Алакөл көлі мен Қарағанды облысының Балқаш көлін (әрбір жағдайда 8,3%) топ-5-тен ығыстырды", – деп жазылған зерттеуде.