2023 жылы бизнестің әлеуметтік жауапкершілігі жөніндегі "Парыз" байқауы басталды. Ол халықтың әл-ауқатын одан әрі жақсарту үшін бизнестің қоғам алдындағы корпоративтік әлеуметтік жауапкершілігін қалыптастыруға және арттыруға бағытталған, деп хабарлады Еңбек және халықты әлеуметтік қорғау министрлігі.

Шағын, орта және ірі кәсіпкерлік субъектілері 4 аталым бойынша өзара үздікті анықтайды. Атап айтқанда:

  • "Үздік әлеуметтік жауапты кәсіпорын";
  • "Еңбекті қорғау саласындағы үздік кәсіпорын;
  • "Үздік ұжымдық шарт";
  • "Экологияға қосқан үлесі үшін".

Сондай-ақ байқау аясында "Жылдың үздік әлеуметтік жобасы" арнайы сыйлығы табысталады.

Оқи отырыңыз: Жүлде қоры – 11,3 млн теңге. Астана күніне орай республикалық жыр мүшәйрасы өтеді

Байқау екі кезеңнен тұрады:

  • өңірлік кезең;
  • республикалық кезең.

Байқауға қатысу тегін.

Үміткерлер материалдарын қағаз түрінде және электронды форматта облыстардың, республикалық маңызы бар қалалардың жергілікті атқарушы органдарына жолдайды.