Көлік министрінің "Республикалық маңызы бар Үшарал – Достық жалпыға ортақ пайдаланылатын автомобиль жолын (учаскесін) ақылы негізде пайдалану туралы" бұйрығы дайындалды.

Атап айтқанда, республикалық маңызы бар жалпыға ортақ пайдаланылатын автомобиль жолының Үшарал – Достық учаскесі ақылы негізде пайдаланылатыны анықталды.

Ақылы жолдың ұзындығы 180 шақырым.

Оқи отырыңыз: Қазақстанда ақылы жолдар тарифі өсуі мүмкін

Автобустар мен жүк көліктері үшін ақылы жолдағы ақы мөлшерлемесі белгіленді. Ақылы жолдың қызмет ету мерзімі – 20 жыл.

Құжат 9 қыркүйекке дейін қоғамдық талқылау үшін "Ашық НҚА" сайтында орналастырылады.

Бұған дейін Қазақстанда ақылы жолдардағы тарифтерді тағы 20 пайызға көтеруді жоспарлап отырғаны хабарланған болатын.