Қазақстанда Өзбекстан, Тәжікстан және Әзірбайжан азаматтары көші-қон заңнамасын өрескел бұзған.

Полицейлер оларды "Заңсыз келуші – 2024" республикалық жедел-профилактикалық іс-шарасы барысында анықтады.

Іс-шара басталғалы 1 185 көші-қон заңнамасын бұзушы әкімшілік жауапкершілікке тартылып, 225 шетел азаматы Қазақстан Республикасынан шығарылды.

ҚР-да болу ережелерін бұзғаны үшін 935 шетелдік жауапкершілікке тартылды. Шетелдіктердің Қазақстан Республикасында болуының заңдылығын қамтамасыз ету шараларын қолданбағаны үшін 202 қабылдаушы тарапқа айыппұл салынды.

Оқи отырыңыз: Жамбыл облысында шетел азаматтары құпия жолдармен шекара асып отырған

"Шетелдік жұмыс күшін тарту ережелерін бұзған 48 жұмыс беруші жауапкершілікке тартылды", – деді Алматы қалалық ПД көші-қон қызметі басқармасының бастығы Асхат Бутунчинов.

Сонымен қатар Алматыда іс-шара кезінде Қазақстаннан өз бетінше кету туралы сот шешімін орындамаған 54 шетелдік ұсталды.