Елімізде газ баллондарын есепке алудың жаңа жүйесі енгізіледі, деп хабарлады 31 арнаның Информбюро ақпараттық бағдарламасы.

Бұл туралы Мәжілісте "газбен жабдықтау және тауарлық газды үнемді тұтыну мәселелеріне арналған" заң жобасының таныстырылымында айтылды.

Жаңа құжатта газ баллондарын таңбалау және техникалық тексеру міндеттеліп, газ толтыру ережелері жазылған.

Депутаттардың айтуынша, жуырда баллондарды ақпараттық жүйеге енгізетін таңбалау жүйесі енгізіледі.

Сонымен қатар мәжілісмен Екатерина Смышляева ескірген газ баллондардың қауіпсіздігін ешкім тексермейтінін, тозған баллондарды жаңарту мәселесін көтерді.