Сотталған кәсіпкер Қайрат Боранбаев түрмеден босатылды, деп хабарлады Қылмыстық атқару жүйесі комитетінің баспасөз қызметі.

"Бас бостандығынан айыру түріндегі жазаның өтелмеген бөлігі бас бостандығын шектеу түріндегі жазамен ауыстырылған Боранбаев 6 қарашада бас бостандығынан айыру орнынан босатылып, жазасын тұрғылықты жері бойынша өтеу орнына өз бетінше барады", – деп жазылған Қылмыстық-атқару жүйесі комитетінің хабарламасында.

Мекеме әкімшілігі сотталғанға пробациялық бақылауды есепке алу және жүргізу үшін пробация қызметіне келу бағыты мен уақытын көрсете отырып, жазасын өтеу орнына кету туралы ұйғарым тапсырды, оған оны сипаттайтын материалдар да жіберіледі.

Оқи отырыңыз: Айыптаушылар Қайрат Боранбаевты 6 жыл бас бостандығынан айыруды сұрады

Қайрат Боранбаев мемлекет мүлкін жымқыруға қатысқаны үшін мүлкі тәркіленіп, өмір бойына мемлекеттік қызметте лауазымдарды атқару құқығынан айырумен алты жылға бас бостандығынан айырылды. Қазан айында сот Боранбаевтың өтінішін қанағаттандырып, жазаның өтелмеген бөлігін бас бостандығын шектеуге ауыстырды. Боранбаев 2 жыл 4 айдан астам түрмеде отырды.