Өзбекстанда биылғы – 2024-2025 оқу жылы 4 қыркүйекте басталады. Бұл туралы Өзбекстанның Мектепке дейінгі және мектепте білім беру министрлігі хабарлады. 

Өзбекстанда 1 қыркүйек – Тәуелсіздік күні.

"Елдің президенті 2023 жылы 22 желтоқсанда қол қойған "2024 жылы ресми даталарды мерекелеу кезеңінде қосымша жұмыс емес күндерін бекіту және демалыс күндерін ауыстыру туралы" жарлығына сәйкес, Тәуелсіздік күніне орай, 2024-2025 оқу жылы 4 қыркүйекте басталады", – делінген министрліктің хабарламасында. 

Еске салайық, Қазақстанда жаңа оқу жылы 1 қыркүйекте басталады. Бұл күн демалыс күнге сәйкес келгеніне қарамастан, алғашқы қоңырау күнін өзгерту жоспарланбаған. 

Оқи отырыңыз: 1 қыркүйек – жексенбі: Қазақстанда алғашқы қоңырау күні ауыса ма?