Қазақстанның еңбек сіңірген қайраткері, белгілі актер, "Менің атым Қожа" фильмінде басты кейіпкер – "Қожабергенді" сомдаған актер Нұрлан Сегізбаев өмірден озды. Қайғылы хабарды Мәдениет және ақпарат министрлігі ресми түрде хабарлады.

"Нұрлан Санжарұлы – қазақ мәдениеті мен өнерінің дамуына елеулі үлес қосқан тұлға. Ол өз ғұмырын шығармашылыққа, ұлттық руханиятқа арнап, кейінгі ұрпаққа өнеге болатын мол мұра қалдырды. Өнерсүйер жұртшылыққа әлі күнге құндылығын жоймай келе жатқан Абдолла Қарсақбаевтың "Менің атым Қожа" фильміндегі басты рөлімен танымал өнер иесі қазақ кино өнеріндегі дара тұлға болды. Оның экранда жасаған көркем бейнелері отандық өнер тарихында айрықша орын алады. Нұрлан Санжарұлының жарқын бейнесі, шығармашылық мұрасы мен ғибратты ғұмыр жолы халқымыздың жадында мәңгі сақталады деп сенеміз. Марқұмның жаны жәннатта, иманы саламат, топырағы торқа болғай", – деп жазды Мәдениет және ақпарат министрлігі.

Оқи отырыңыз: Тоқаев Халық әртісі Асанәлі Әшімовтің қайтыс болуына орай отбасына көңіл айтты