Қазақстан 2025 жылдан бастап 537 бірлік Stadler вагонын сатып алуды жоспарланып отыр. Бұл туралы Индустрия және инфрақұрылымдық даму министрлігінде өткен "Ашық сағат алаңында" белгілі болды.

Кездесу барысында қатысушылар жолаушылар вагондарын жаңарту және теміржол кластерін құру мәселелерін талқыланды.

"Бүгінгі таңда жаңа вагондар сатып алу бойынша тиісті шаралар қабылдануда. Биыл 62 "Тальго" вагоны сатып алынды. Жылдың соңына дейін тағы 11 вагон жеткізіледі деп күтілуде. 2025 жылдан бастап 537 бірлік көлемінде Stadler вагондарын жеткізу жоспарланып отыр", – деді Көлік комитеті төрағасының орынбасары Қайриден Нұркенов.

Қазіргі таңда Қазақстанда жолаушылар вагондарының жалпы паркі 2600-ден астам бірлікті құрайды. Субсидиялау шарты негізінде вагондар паркін 10 жыл ішінде кемінде 15%-ға жаңарту көзделген. Қайриден Нұркенов вагон паркін жаңарту үлесін 25 пайызға дейін арттыру қажеттігін атап өтті.

Оқи отырыңыз: Жолсерік пен жолаушы: пойыздарда қандай қызметтер көрсетілуі тиіс?