Астана қаласы сотының қылмыстық істер жөніндегі апелляциялық сот алқасы Кәрім Мәсімов, Әнуар Садықұлов, Дәулен Ерғожин және Марат Осиповтың шағымдары бойынша «Аса құпия» айдарымен қылмыстық істі қарады, деп хабарлайды Астана сотының сайты.

Апелляциялық инстанция бірінші сатыдағы соттың Мәсімовке, Садықұловқа және Ерғожинге қатысты үкімін жазаны өтеу мекемесінің түрі бойынша қатаң режимдегі мекемеден орташа қауіпсіздікке ауыстырды. Үкімнің қалған бөлігі өзгеріссіз қалдырылды.

Сәуір айында Астана қаласының қылмыстық істер жөніндегі мамандандырылған ауданаралық соты Кәрім Мәсімовті мемлекетке опасыздық жасады, билікті күшпен басып алуға әрекеттенді, билікті және қызметтік өкілеттікті асыра пайдаланды деп айыпты деп таныды. Жазаларды ішінара қосу арқылы ол ақыры мүлкі тәркіленіп, мемлекеттік қызметте лауазымдарды атқару құқығынан өмір бойына айырумен 18 жылға бас бостандығынан айырылды.

Оқи отырыңыз: ҰҚК бұрынғы басшысы Кәрім Мәсімов сот үкіміне апелляциялық шағым түсірді

Әнуар Садықұлов – 16, Дәулет Ерғожин – 15, Марат Осипов мемлекеттік қызметте лауазымдарды атқару құқығынан айыра отырып, үш жылға бас бостандығынан айырылды.

Үкім заңды күшіне енді.