4 қыркүйекте жеке тұлғаларды соттан тыс банкрот деп тану туралы өтініш берген алғашқы қазақстандықтар банкрот мәртебесін алды. Бұл туралы Бірінші кредиттік бюроның Telegram арнасы жазды.

"Қазіргі уақытта 302 адам банкроттық мәртебесін алды. Банкротқа қатысты өтініштер бойынша қарыздың жалпы сомасы шамамен 708,5 миллион теңге. Яғни, орта есеппен бір адамға 2,3 миллион теңге көлемінде келеді", – деп жазылған хабарламада.

Ең көп мөлшердегі қарыз – 106,5 млн теңге. Бұл өтінішті Алматы қаласының тұрғыны жазған. Ең аз мөлшердегі қарыз – 48 500 теңге. Бұл қарыз Қарағанды ​​облысының тұрғынына тиесілі.

Оқи отырыңыз: Қазақстанда 61 мыңнан астам адам банкроттыққа өтініш берді.

Еске салып өтсек, алған несиелерін жаба алмаған қазақстандықтар осы жылдың  3 наурызынан бастап  банкроттық туралы өтініш бере алады. Бұл күні «Қазақстан Республикасы азаматтарының төлем қабілеттілігін қалпына келтіру және банкроттығы туралы» Заң қабылданды.