Степногорск қаласында Салтанат Нүкенованы өлтіру ісі бойынша сотталған Бақытжан Байжановтың амнистия туралы өтініші қаралды. Сот отырысында Байжанов журналистердің қатысуына қарсы екенін мәлімдеді.

"Мен БАҚ қатысуына қарсымын. Отырыс БАҚ-сыз өтсін деп өтініш білдіремін", – деді ол.

Бақытжан Байжанов өтінішінің себебін түсіндірмеді. Адвокаттары клиенттерін қолдады, алайда судья өтінішті қанағаттандырмады, себебі процесс ашық түрде өтті.

Судья Бауыржан Ақышев амнистия туралы өтінішті қабылдап, Байжановтың жазасын 8 ай 8 күнге қысқартты. Қазір ол бір жыл 11 ай түрмеде отырған.

2024 жылғы маусым айының соңында сот Байжановты аса ауыр қылмысты алдын ала уәде етпей жасыруда кінәлі деп танып, төрт жылға бас бостандығынан айыру жазасын тағайындаған болатын. Амнистия туралы заңға сәйкес, мұндай санаттағы қылмыскерлердің жазасын үштен бір бөлігіне яғни шамамен 8 айға қысқартуға болады. 

Оқи отырыңыз: