Кәсіби теннисшілер қауымдастығы (ATP) Астанадан Алматыға бірінші ATP 250 турнирін ауыстыруды бекітті. АTP сайтында жарияланған күнтізбеге сәйкес Almaty Open 2024 жылғы 13-20 қазан аралығында өтеді.  

"Алматы АТР 250 сериясымен өтетін турнирді қабылдау құқығына заңды түрде ие болып отыр, өйткені өткен ғасырдың 20-шы жылдары осы қалада Қазақстан теннисі дами бастады. Almaty Open тек ауқымды спорттық шара болып қана қоймай, сонымен қатар турнир өтетін Almaty Arena  аумағында мерекелік көңіл-күй орнатып, ерекше күш-қуат сыйлауға жәрдемдеседі", – деп атап өтті Қазақстан теннис федерациясының президенті Болат Өтемұратов. 

Стефанос Циципас және жас жанкүйерлер 2022 жылғы ATP 500 Astana Open турнирінде / ҚТФ фотосуреті

ATP 250 жарысы – шынында да әлемнің 30 елінде өтетін ауқымды спорт оқиғаларының бірі. Аталмыш санатқа 40 турнир кіреді, онда жеңгендер ATP рейтингінде 250 ұпайға ие болады. 

2022 жылғы ATP 500 Astana Open турниріндегі жанкүйерлер / ҚТФ фотосуреті

Алдағы Almaty Open ATP турнирінің жүлде қоры 1 млн АҚШ долларынан асады. 

2022 жылғы ATP 500 Astana Open турнирінің финалистері Новак Джокович пен Стефанос Циципас / ҚТФ фотосуреті

Бірінші жыл сайынғы ATP 250 турнирі Астанада 2020 жылы өткізілді. 2022 жылы турнир деңгейі бір рет ATP 500-ге көтерілді. Онда қатысушылар кілең жұлдыздар еді: Новак Джокович, Стефанос Циципас, Даниил Медведев, Карлос Алькарас, Хуберт Хуркач, Андрей Рублев және басқалар. 

2022 жылғы ATP 500 Astana Open турнирінің жеңімпазы Новак Джокович / ҚТФ фотосуреті

Қазақстандық жарыс жыл сайын 110-нан астам ел аумағында көрсетіледі.