Ақтөбеде мал бағатын ұлтарақтай жер таппай қиналған ауыл тұрғындары бас көтерді. Жергілікті халық әкімдіктегілер ауыл маңындағы жайылым жерлерді түгелдей топырақ қазумен айналысатын кәсіпкерлерге сатып, елдің рұқсатынсыз үлестіріп жіберген деп отыр. Тұрғындар жергілікті билік бұл басссыздықты дереу тоқтатпаса, карьердің жолып жауып, мәселені өздері шешпекші, деп хабарлады 31-арнаның Информбюро ақпараттық бағдарламасы.

Ақтөбе іргесіндегі Өрлеу ауылдың тұрғындары қорадағы малын бағатын жер таппай, қиналып отырғандарын айтады. Жаз шыққалы ауыл маңындағы жазық дала жайылымға емес, карьерге айналыпты. Қазір бұл ауылдың айналысында бір емес жеті карьер бар екен. Биыл оған тағы біреуі қосылған.

"Үлкен кісілер мал ұстағылары келеді. Жайылым жоқ. Бақташы шыққанымен оның қарай алмаймыз дейді. Міне қараңыздар, бәрін қазып тастаған. Не істеуге болады? Суға келе алмайды. Біздің жан-жағымызды қазбасын. Кетсін. Халықтан рұқсат сұрамағаннан кейін қазуға болмайды", – дейді ауыл тұрғыны Дария Төремұратова.

Осылайша, жерімізді карьерге бермейміз деп бас көтерген өрлеуліктер ауылдарына бүгін әкімдік өкілдерінен бастап экологтарға дейін шақыртыпты. Олар қазба жұмыстарын биыл бастаған кәсіпкердің ісіне наразы.

Материалдың толық нұсқасын төмендегі видеодан көріңіз: