Ақтөбе облысының Ырғыз ауданында тасқын судан зардап шеккен 35 отбасы баспаналы болды, деп хабарлады Ақтөбе облысы әкімдігінің баспасөз қызметі.

"Ырғыз ауданында көктемгі су тасқынынан зардап шеккен тұрғындарға қолдау көрсетіліп жатыр. Материалдық және әлеуметтік төлем төленіп, жаңа үйлер салынып жатыр, сонымен қатар тұрғындар келісіміне сәйкес, өздері қалаған тұрғын үйді сатып ала алады. Бүгінгі күні 35 отбасы қоныстойын тойлады, 125 отбасы жаңа салынып жатқан үйлеріне көшеді", – делінген хабарламада.

Оқи отырыңыз: Cу тасқынынан кейін инфрақұрылымды қалпына келтіруге қосымша 22,7 млрд теңге бөлінді

Баспана "Юнис сити" мен Есет батыр тұрғын үй алабынан берілді. Жаңа қоныс 66 шаршы метрді құрайды. Екі бөлмелі пәтер жарық әрі кең. Барлық қолайлы жағдай қарастырылған.

Баспанасы суға кеткендердің көбі — арнайы санаттағы отбасылар. Берілген су жаңа пәтер заңды түрде үй иесінің атына жазылады, яғни, пәтерді алған тұрғын иесі кез келген уақытта сата алады немесе кепілге қоя алады.