Алматы прокуратурасы оқырмандарына өз-өзіне қол салуға тапсырма берген Telegram-арнаны бұғатталғаны туралы хабарлады.

2024 жылы 23 қыркүйекте сот Алмалы ауданы прокурорының деструктивті чатқа тыйым салу туралы талабын қанағаттандырды. Сот шешімі дереу Мәдениет және ақпарат министрлігіне орындауға жолданды.

Оқи отырыңыз: Балалар арасындағы суицид: бас прокурор Берік Асылов мәлімдеме жасады

"Бас Прокурордың тапсырмасын орындау мақсатында Алматы қаласының прокурорлары тыйым салынған контенті бар Telegram-арнаны бұғаттау шараларын қабылдады. Тексеру барысында 67 оқырман әкімшіліктен суицидке бағытталған рөлдік командалар алғаны анықталды. Алматы прокуратурасы ата-аналарға интернетті қолдануда жауаптылықпен қараудың маңыздылығын еске салады, күдікті контент анықталған жағдайда құқық қорғау органдарына жүгіну қажет", – делінген хабарламада.