8 наурыз – халықаралық әйелдер күніне орай Ақтау қаласында қоғамдық көлік әйелдер қауымына бір күн бойы тегін қызмет көрсетеді. Бұл туралы қала әкімдігінің баспасөз қызметі хабарлады. 

"Ақтау қалалық жолаушылар көлігі және автомобиль жолдары бөлімінің мәлімдеуінше, №1, 2, 3, 4, 4М, 5, 6, 7, 8, 9 маршрут автобустары қыз-келіншектерге тегін қызмет көрсетеді. Қоғамдық көлік тұрақты кестеге сәйкес сағат 6:40-тан 21:00-ге дейін жүреді", – делінген қала әкімдігі баспасөз қызметінің хабарламасында.

Еске салайық, биыл 8 наурыз мерекесіне орай қазақстандықтар қатарынан үш күн – 8-10 наурыз аралығында демалады. 

Оқи отырыңыз: 2024 жылғы ораза кестесі: Ақтау қаласы