"Қазгидромет" РМК-ның мәліметінше, 5 және 6 наурызда Қазақстанның басым бөлігінде жауын-шашынсыз, солтүстік-батыс пен солтүстікте ғана қар жауады.

"Қазақстан аумағының басым бөлігі жоғары атмосфералық қысым өрісінің ықпалында болады, сондықтан ауа райы жауын-шашынсыз болады. Еліміздің солтүстік-батысында және солтүстігінде ғана қар жауады деп күтілуде", – деп жазылған хабарламада.

Айта кетейік, 7 наурызда республикада жаңбыр, тұман, қар жауады. Көктайғақ және қатты жел күтіледі.

Оқи отырыңыз: 2024 жылғы ораза кестесі: Қазақстан қалалары мен елді мекендері

Температураның фонына келетін болсақ, күн аздап жылынады. Термометрлер 7 наурыз күні Қазақстанның солтүстік жартысында 0...-5 суық болса, оңтүстік жартысында +5...+15 жылы болады.