Пандемия белең алғаннан бері үш рет жұмысын тоқтатуға мәжбүр болған Нұр-Сұлтандағы "Арсенал" кинотеатрының ұжымы үкіметке петиция жолдады. Бұған дейін бас-аяғын қосқанда 11 ай жұмыссыз отырған компания 18 миллион теңге шығынға батқан, деп хабарлады 31-арнаның Информбюро ақпараттық бағдарламасы.

Енді қайта қызыл аймаққа кірген елордадағы кинотеатр жаңа қаулыға сәйкес 11-шілдеден қызметкерлерін үйіне қайтарған.

"Біздің жұмысты жауып тастағанын әділетсіз деп санаймын. Өзге дәмханалар мен мейрамханалар "Ашықсыз" да жұмыс істеп жатыр. Ал біз барлық санитарлық нормаларды сақтасақ та, тағы жауып тастады. Жұмыссыз қалған 20-дан астам адамның барлығы бірдей коронавирусқа қарсы вакцина алған", – дейді "Арсенал" кинотеатрының қызметкері Елена Якименко.

"Жаңа қаулыға сәйкес бірқатар объектілердің жұмысына тыйым салынған. Соның ішінде кинотеартрлар мен кинорумдар да бар. Ashyq қосымшасы арқылы келушінің көк мәртесі болса да, коронавирустық инфекцияны жұқтыру қаупі бар. Өйткені, 40 пайыз жағдайда ауру симптомыз болуы мүмкін", – деді Нұр-Сұлтан қаласы СЭБД бас маманы Ержан Өткелбаев.

Материалдың толық нұсқасын төмендегі видеодан көріңіз: