Бүгін еліміз бойынша білім беру гранттары тағайындау конкурсына қатысу үшін өтініштер қабылдау кампаниясы басталды, деп хабарлады Ғылым және жоғары білім министрлігі.

"Қазіргі таңда 10 мыңнан астам талапкер грант конкурсына қатысуға ниет білдіріп, өтініштерін жіберді. Ең көп өтініш "Педагогикалық ғылымдар" және "Инженерлік, өңдеу және құрылыс салалары" бағыттарына берілді, – делінген хабарламада.

Оқи отырыңыз: Магистратураға 42 мыңға жуық өтініш қабылданды. Көбі педагогика ғылымдарын таңдаған

Еске салайық, биыл құжаттарды қабылдау еGov арқылы онлайн форматта немесе ЖОО-лардың қабылдау комиссиялары арқылы офлайн форматта жүзеге асырылады.

Құжаттарды кез келген ЖОО (орналасқан жері бойынша) арқылы тапсыруға болады.