Дәріскерлер ретінде Қазақстан Республикасы Парламенті мен қала мәслихатының депутаттары, "Nur Otan" партиясының өкілдері, белгілі мемлекет және қоғам қайраткерлері қатысты, деп хабарлайды қала әкімдігінің ресми сайты.

Іс-шара оқушылардың назарын Тұңғыш Президенттің ерен еңбектеріне аударуға, жастардың бойында патриоттық және азаматтық жауапкершілік сезімін бекітуге, сондай-ақ, өзін-өзі дамыту дағдыларын, көшбасшылық қасиеттерін жетілдіруге бағытталған.

Оқушылар Елбасы еңбектері туралы дәріс тыңдап жатыр / фото astana.gov.kz сайтынан

Елордалық Білім басқармасының мәліметтеріне сәйкес, ашық сабақтарға 120 білім беру мекемесінің (мектеп, колледж) 220 мың білім алушысы қатысты.

– Біз үшін Тұңғыш Президент күнін атап өтудің маңызы зор. Бұл Қазақстандағы халық бірлігі мен келісім күні. Еліміздің Тұңғыш Президенті тарихқа тәуелсіз Қазақстанның барлық жетістіктерін жүзеге асырған тұлға ретінде, әлемдік деңгейдегі көрнекті саясаткер ретінде енді, оның бүкіл қызметі өз халқына қызмет етудің жарқын үлгісі болып табылады. Сондықтан жастардың танымында Қазақстанның Тұңғыш Президенті Нұрсұлтан Назарбаевтың рөлі туралы толық түсінігі болуы керек, – деді № 56 мектеп-лицейінің директоры Жұмағазы Әлпішев.

Ашық сабаққа қатысушы балалар / фото astana.gov.kz сайтынан

Бірыңғай ашық сабақтар Қазақстан Республикасының Әнұранын орындаумен және еліміздің Тұңғыш Президенті Нұрсұлтан Назарбаев туралы бейнероликті көруден басталды.

– Сабақтар ойын түрінде өтеді, онда оқушылар 2-4 командаға бөлініп, әрқайсысы өзінің сайлауалды бағдарламасымен партияны таныстырады. Командалар тұңғыш Президенттің қызметіне негізделген бағдарлама дайындап, оны аудитория алдында қорғады. Сұрақ-жауап қойылды. Елбасының рөлі туралы көбірек білген команда жеңімпаз атанады. Біздің міндетіміз – еліміздің Тұңғыш Президентінің басшылығымен Тәуелсіз Қазақстанның қалыптасуы мен дамуының негізгі кезеңдері туралы оқушылардың білімін тереңдету, – деді № 72 мектеп-лицейінің тарих пәні мұғалімі Алтынгүл Байжанова.

Brain ring ойынынан көрініс / фото astana.gov.kz сайтынан

Елордалық білім беру мекемелерінде педагогтармен бірге белгілі қоғам қайраткерлері, олардың ішінде қазақстандық композитор Төлеген Мұхамеджанов, тележүргізуші, редактор және продюсер, "Kazakh TV" бас директоры Майя Бекбаева, "Елбасы жолы" фильмінде Тұңғыш Президент рөлін сомдаған киноактер Нұрлан Әлімжанов, Жазушылар одағының төрағасы Ұлықбек Есдәулет, кәсіпкер, Қазақстан халқы Ассамблеясының мүшесі Асқар Пириев, актер Тұрсынбек Қабатов және ттағы басқа танымал тұлғалар сабақ өткізді.

Оқушылармен әңгіме / фото astana.gov.kz сайтынан