Нұр-Сұлтан қаласында "Еңбек" нәтижелі жұмыспен қамту және жаппай кәсіпкерлікті дамыту бағдарламасы аясында "Ауыл шаруашылығын қаржылай қолдау қоры" АҚ микроқаржыландыруды бастады

Несие бойынша сыйақы мөлшерлемесі жылдық 6 пайызды құрайды, ал аз қамтылған және көпбалалы отбасы санатына жататын азаматтарға мөлшерлеме – 4%.

Оқи отырыңыз: Несие алудың тиімді жолдары немесе банкке алданбау үшін нені білу керек

"Микронесие 60 айға беріледі. Ал аз қамтылған және көпбалалы отбасы санатына жататын азаматтарға несие беру мерзімі 78 айды құрайды. Қаржы айналымын толықтыруға арналған несие 36 ай мерзімге беріледі. Жеңілдікпен несие бөлу мәселесі мәслихат сессиясында бірнеше рет көтерілген болатын. Қала бизнесінің мүддесіне өкілдік ете отырып, мен мәслихат депутаты ретінде осы мәселеге қолдау білдірдім, өйткені карантиннен кейінгі кезеңде кәсіпкерлерге қаржыландыру алу басымдыққа ие мәселе", – деді Нұр-Сұлтан қаласы ӨКП директоры Алмат Жүнісов.

Оқи отырыңыз: Қазақстанда 55 млн несие шарты жасалған. Қарыз иелерінің жауапкершілігін арттыру ұсынылды

Спикер жеңілдікпен несие алып, қаржы айналымын толықтыру кәсіпкерлер үшін жақсы демеу екенін атап өтті.

Несие беру шарттарына сәйкес кәсіпті енді қолға алған (3 жылға дейін) кәсіпкерлер "Бастау Бизнес" жобасы шеңберінде оқуға қатысып, сәйкес сертификатты алуы керек. Былтыр кәсіпкерлер палатасы "Бастау Бизнес" жоба аясында 1 500 тыңдаушыны және "Бизнес мектеп" жобасы бойынша 1 234 адамды оқытқан. Осы лек аталған бағдарлама бойынша несие ала алады. Соңғы екі жыл шінде оқу жобалардың қатысушыларының бір бөлігі мемлекеттік грант алып, бизнестерін кеңейткен.